The Grand Buffet 自助山Buffet

其實我自己都影咗好多相但係張生將成過過程記錄低哂就用佢個version啦！









最後補充一句， 野食質素的確好靚但係可惜係小朋友嚟負責煮好難好好食！ 唔知到底係佢地請人預算有限定食材已經超支！好浪費！

How to Make Japanese Salmon Veggie Soup / 養顏抗衰老日式三文魚雜菜湯

作為中環OL日日化妝返工的確令皮膚好傷！ 我用咩方法解決？ 全靠張生靚湯令我皮膚keep住好！







養顏抗衰老日式三文魚雜菜湯
三文魚中富含的Ω-3脂肪酸可預防皺紋, 有助於抗衰老，同時還能控制體重。維生素D有助於保持皮膚細胞的鮮活。 B族維生素還能­讓你的頭髮更亮澤。

Ingredients(材料):
Salmon bone / 三文魚骨


Onion / 洋蔥


Carrot / 胡蘿蔔


Corn / 玉米


Tomato / 番茄


Enoki / 金針菇


Japanese Fresh mushroom / 日本鮮蘑菇


oyster mushroom / 鮑魚菇


Iced tofu / 冰豆腐


Japanese pepper / 日式花椒


katsuobushi (dry bonito fish) / 木魚


Garlic / 大蒜


Ginger / 姜


sea​​weed / 昆布


butter / 牛油


green onion / 蔥



希望你地鍾意啦!!!

中環食客 - 香港銀行家會所 The Hong Kong Bankers Club

昨日我地八人一行到中環位於置地廣場的香港銀行家會所用膳。 因為其中一名食客話呢間餐廳嘅中菜部非常好食，以前佢都做咗好多年會員，但後來轉到去China Club中國會。但仍然掛念銀行會嘅中菜，所以我地今次就遷就下佢！ 相信所有金融介嘅朋友一定唔會陌生！

先來一人一碗例湯匙, 花參懷山雪耳瘦肉湯。 當中加咗一粒藍棗味道帶點藥材味但可以接受 （因為我最怕藥材）而且湯好夠味！料亦好多！我個碗有好多雪耳㗎 >.< 正!!!!

 

冷盤點咗個X.O.醬海蜇，當大家都好期待呢個冷盤個陣，竟然食唔到有X.O.醬嘅味道! 點搞？

 

 食得中菜，叉燒同燒肉係不可缺少的。 但係冇燒肉唯有點乳豬啦！ （據食客話呢度啲叉燒好出名㗎）errrrrr 不過不失啦，又未去到好好食！ So far, Island Tang係我食過覺得最好食嘅叉燒！ 乳豬又好似好乾咁。  唉！

 其實蘿蔔糕都無乜可以點輸㗎啦因為係我最愛。但係真係一啲都唔出色囉 （咳咳!!小朋友係唔識講大話嘅，唔該!）

 

 

點心類我諗睇圖片你地都估計到好唔好食啦！ 燒賣好乾！ 素菜餃都好dry！蝦餃一樣係咁dry! Dry過我塊面囉!!!!!! 全部都好DRY DRY DRY!!!! Excuse me!

 

 

終於有返樣似樣啲嘅餸，係女侍應極力推介！ 清湯蘿蔔牛腩。 牛腩好有牛味而且好林好好咬口。 蘿蔔亦好甜應該炆咗好耐！連個湯都好甜不過你話係咪超正呢，係比起今日所有食物為上囉!!

 

 

春卷同鹹水角就唔駛再問啦！ 好普通！

 

 

鹽焗雞一隻，份量太少，但係佢地話細雞啲肉質好啲喎！ （最後一人一件度）不過隻雞係唔錯嘅， 肉質夠嫩滑！不過有少少唔夠喉 >.<

 波蘿咕嚕肉係可以試下間餐廳廚師手，呢個咕嚕肉係正常！無話特別好味又冇話難食！

 

最後一味～～涼瓜火腩魚鰭！！！！ 係其中一名食客好想食嘅菜。涼瓜味唔係特別重所以ok，條魚的確幾滑，唔錯唔錯！ 不過食到一半大家就提起銀行會最出名一定係男人的浪漫～～豆腐班腩飯！！！！其實我都好鍾意（都話我好麻甩㗎啦）於是大家都揼心點解唔叫豆腐班腩煲！！！！失策！！！！

 

埋單承惠二千大元。其實一啲都唔貴，中環食一個簡簡單單嘅lunch無百幾二百都唔好諗！ 只不過，諗住一嘗以前嘅味道都帶點失望而回！！！！

美滿婚姻

你認為婚姻到底是找一個陪伴自己終老嘅人？一齊供樓嘅人？一個生下一代嘅機器？定係一個私家工人？ 張智霖係"一路上有你"講過， 一對夫婦應該係0.5+0.5=1。 意思係將自己一半拿走，將伴侶的另一半加入。 英文都係話When two become one! 若然堅持自己段婚姻又點可能長久？ 或者婚姻就係要你失去自我，因為生活上有好多事你都要同另一半商量，然後取得共識！ 好多人會經常擔心和另一半可否長久，其實有邊個保證得到？ 就算有月老幫你們掛了紅線但係雙方角力唔讓步，條線都會斷啦！  與其擔心將來不如珍惜現在。 只要兩個係重愛對方，每一日都會好似情人節咁開心。  假如兩個人變咗三個人， 事情複雜不如讓步，"係你嘅一定係你，唔係你嘅點留都無用！" 深呼吸，再諗清楚整件事，可能你會發現，你愛那個人已經係曾經，不再是現在！

 

 

東岸活蝦料理

由於呢間餐廳真係超級好食所以急不及待介紹比大家！ 不過呢間餐廳位於高雄同墾丁中間！叫做屏東縣東港! 每年我同張生都會去墾丁潛水所以喺當地認識了一些朋友。 呢間餐廳就係佢地介紹㗎啦！

地方係好乾淨嘅因為我地3點去到個陣全跟餐廳大約有6，7個伙計晌到清潔洗地。 可能好多客人都係將蝦殼掉晌地下所以日日都要洗地！枱枱椅子唔好太大期望，最緊要係食物質素！ 全場都係開放式所以亦唔會有冷氣！ 我地7月去都唔算非常熱，佢地亦好細心將把風扇靠近我地！
好啦！ 入正題！以下就係我地兩條友仔點嘅餸:

 碳燒豬頸肉 - 呢個叫唔叫都罷因為無咩特別。

 

 

蒜香蝦 - 個湯好有蝦嘅鮮味！再加埋蔥真係不得了。湯汁又入哂落蝦到，連蝦頭都好好味。

 

胡椒蝦係乾炒，蝦殼充滿胡椒味但係又唔會乾到另肉質變差。

 

 

 蒜泥蝦 - 超掂！ 蒜好香個汁超惹味！蝦嘅肉質好爽口，正！

每碟都係台幣390即係等於港幣100蚊都唔駛呀！最好多人一齊食可以叫多幾款嚟試。 唔好好似我地咁食唔哂要打包返酒店食。

兩個人食三碟蝦真係食唔哂，因為平均每一碟都有起碼8-10隻蝦，隻隻大細一樣。肉質真係唔錯！但係我唔明點解佢地要用個好似痰罐咁嘅器皿來煮。

 



下面個三
張圖係佢地網站download嘅因為我唔記得影相！哈哈

 



 地方都算好大，夜晚應該好多客人來幫襯。 大家切記三點半前到係無人會開門比你！

要去呢間餐廳最好有GPS因為都唔算容易搵。

最後送上餐廳地址，電話和菜單比你好好研究！ Enjoy~~

網址：http://088352793.tw.tranews.com/

營業電話：08-8336677、08-8352793、0912-781311
營業地址：屏東縣東港鎮興和路249號

好酒推介 - 南部美人

 

我係一個sake殺手，識得我嘅人都知道我係超級鍾意飲sake！一來覺得易入口，二來飲多咗第二朝起身一點兒辛苦都唔會有（如果你飲靚sake嘅話）三來就係我張生都好鍾意飲！不過佢比我要求更高，一定要夠凍同埋要有隻靚杯佢先飲得開心！

呢隻清酒都係佢介紹我飲，原因？佢夠平夠好飲！攞嚟招呼家人朋友一啲都唔失禮！個個必定有讚無彈！我試過買去公司小型晚餐，當晚我地係吃打邊爐！我一早將sake放晌雪櫃放工先拎去。同事當中有外國人，有唔同地方長大嘅香港人亦有內地人。 全部有份飲嘅同事都讚不絕口第日仲問我邊度買因為佢地想買返屋企開party用！ 就算我地拎去家庭聚會個個都話正！

照片係網上搵因為我只係影咗個箱同埋6支大吟嚷

 

先講講個size先啦。 佢有720ml同1.8L，好多人都會覺得1.8L點飲呀！ 講真，兩三條友吹下水好快飲哂。 唔係講笑，我兩個人食晚飯都可以清支1.8L啦！ 因為佢太易入口，飲下飲下真係唔覺 ! 就連我最唔鍾意飲酒嘅朋友都可以接受佢，可想言之佢個威力有幾大!

銷售地點亦唔係太多，大型例如Citysuper，The one 地牢個間超級市場。

 

一般日本餐廳係無得點嘅，最大路都係飲啲平價例如玉乃光，男山等等。 所以我通常會買去餐廳情願比開瓶費都想飲得好啲！ 再來就係講下價錢， 一支1.8L夠竟要幾多錢呢？ 答案係＄340港幣！！！！係你無睇錯我亦無講錯！如果你有Citysuper咭仲有95折即係＄323！！！！1.8L喎！ 係咪超抵先？ 不過，由於識飲嘅人越來越多所以好多時都會無貨！ 我同Citysuper嘅姐姐比較熟因為我每次都6支6支咁入貨(6支放係我屋企唔駛一個月就無哂！ 無他嘅，我地兩個都勁好客。 每星期都一定有朋友上嚟飲酒。亦因為呢個原因，我屋企係有兩個雪櫃)，每次有貨返佢都即時打比我幫我留貨。

呢個箱啱啱好藏到6支，運送哥哥一箱過唔駛煩

 

720ml其實都賣緊二百幾蚊，加多一百都唔駛就多一倍酒喎！點計都係1.8L抵啦！況且飲唔哂可以放返落雪櫃，只要一星期飲哂就ok。 當然，超過一星期都得只不過味道會走咗啲無咁甜！ 話你知如果鍾意吃海膽和蟹子沙律嘅話配呢支酒係一流！ 食物即時變得更甜，鮮味更出！連青瓜絲都變得好甜呢!!!!

以上個支我講緊係南部美人吟嚷，而張相係大吟嚷(我地連大吟嚷都係6支咁買, 哈哈哈哈)。 當然大吟嚷係好飲好多啦。 價錢大約六百至七百蚊左右，但個size係720ml。 係㗎，鍾意飲酒呢個嗜好可以好貴㗎！ 咁一定比唔上過萬嘅紅酒啦！我試過六個都鍾意喝酒嘅人食日本餐，淨係飲酒一人都五，六百。 當中仲要有飲啲平價酒。

 

所以下次去朋友屋企或者自己屋企開party就可以去買定啦！ 好似買滿300已經包埋送貨，超抵！

日本盛田屋豆乳乳酪面膜

日本盛田屋豆乳乳酪面膜

遲來的春天哦~~   係日本好多明星都讚好嘅面膜。價錢平民化但係質素絕對唔求其。 日本其實係一個好嚴謹嘅地方，咁先會有好嘅產品㗎嘛！ 盛田屋本身係做豆腐嘅，之後用相同嘅方法來研製面膜，結果大家都知道就係超級好賣！
先講講佢裡面有咩成分先啦

豆乳精華，米糠油精華 ﹣ 調理失衡肌膚、集中修護油脂粒
乳酪萃取物 ﹣ 含維他命A，可軟化角質、促進新陳代謝
初乳蛋白 ﹣ 消除活性氧，保濕修護作用
蜂蜜、蜂王乳 ﹣ 抗氧化、細胞活化及保濕作用。防止肌膚乾燥，預防斑點及細紋形成。
大豆異黃酮 ﹣ 促進細胞更新、膠原蛋白生成，增進皮膚彈性與緊實度、淡化細紋與，淨白、保濕。
大豆皂素 ﹣ 爽膚、抑制活性酸素，抗老化
維他命Ｅ ﹣ 具有極佳抗氧化作用
大豆卵磷脂 ﹣ 讓肌膚回復彈力，高效保濕、有效協助美容精華深層滲透，回復肌膚的年輕、柔軟。

以上嘅成分係網上揾到嘅因為個罐本身係寫日文而我又唔識睇！
咁啱有朋友去日本旅遊當然問問可否幫忙買回來（其實香港都有不過我覺得係日本買新鮮啲同埋平少少。都話做咗師奶仔個人都要精明啲㗎啦）一買就買咗3罐>.<
即晚返到屋企同老公一齊用，佢明顯地白咗一度（佢一向都係白皮豬但係仍然好貪白，不過我就係鍾意白嘅男孩子）而我只係白咗少少。 皮膚係滑咗嘅但係唔係講到毛孔即時細咗呢？未覺得，可能要用多幾次先知！
以價錢得到結果都算好好㗎啦。 外面所有美白面膜都貴到飛起！

一罐細細好似唔係用到好耐，但佢網上傳聞可以用到15次左右（厚敷喎）計返的話都唔駛10蚊一次，抵都難啦！

努力敷！繼續敷！